Një tjetër kandidate e Lëvizjes Socialiste për Integrim ka dorëzuar formularin e dekriminalizimit, duke pranuar kështu mandatin e deputetes. Bëhet fjalë për Amra Barovën, kandidaten e tretë të LSI-së në Shkodër.
Amra Barova ka lindur më 8 shtator 1992 në Shkodër. Pas studimeve të mesme në këtë qytet, ka përfunduar studimet për stomatologji në “Albanian University” në vitet 2010-2015.
Si eksperienca pune, në CV-në e saj ajo rendit atë të pedagoges së jashtme me kohë të pjesshme në Universitetin “Aleksandër Moisiu” të Durrësit në periudhën nëntor 2016-mars 2017 dhe mjekes stomatologe në Drejtorinë e Shëndetit Publik nga marsi 2016.
Nëse KQZ do të vendosë t’ia japë mandatit, ajo do të jetë deputetja e 12-të e Lëvizjes Socialiste për Integrim në Kuvend./Opinion.al
