Kandidati i Partisë Demokratike të Kosovës për Kryeministër, Bedri Hamza votoi në orën 09:30 në Mitrovicën e Jugut.
Pas votimit api pati dhe një apel për qytetarët e Kosovës.
“I lus të gjithë qytetarët e Kosovës që të shfrytëzojnë këtë të drejtë demokratike, për të zgjedhur qeverinë për katër vitet e ardhshme. Sovrani vendos, qytetarët votojnë. Për mua, çdo rezultat që votojnë qytetarët e Republikës së Kosovës, është i pranueshëm. Jam optimist, ka qenë një fushatë e gjatë”, tha Hamza.
Në garë janë 28 subjekte politike me rreth 1280 kandidatë për deputetë. Lëvizja Vetëvendosje, PDK, LDK dhe AAK kanë edhe kandidatët për kryeministër.
Qendrat e votimit do të jenë të hapura nga ora 7:00 deri në ora 19:00. Sipas vendimit të KQZ-së, janë shtypur 1,752,650 fletëvotime, prej të cilave 1,664,100 për votimin në vendvotime të rregullta; 28,450 për votimin me kusht; 38,650 për votimin e personave me nevoja të veçanta dhe si fletëvotime rezervë; dhe 21,450 për votimin në përfaqësi diplomatike.
