Kandidati i koalicionit “Bashkë Fitojmë”, Shkëlqim Hoxha ka folur pas incidentit të ndodhur në një nga qendrat e votimit në Rrogozhinë.
Kandidati për Bashkinë e Rrogozhinës është shprehur se nuk ka dijeni mbi incidentin e fotografimit të votës në qendrën e votimit tek “Stacioni i Trenit”.
Fotografimi i votës nga një qytetare ka shkaktuar edhe ndërprerjen e procesit të votimit për disa minuta.
Në një prononcim për mediat, Hoxha thotë se ai sapo ka ardhur në këtë qendër, në kuadër të vëzhgimit të çdo qendre votimi të Rrogozhinës.
“Nuk kam dijeni fare. Unë sapo erdha. Kaloj në çdo qendër”, tha kandidati i Bashkë Fitojmë./Opinion.al
