Ivi Kaso, sekretari për çështjet zgjedhore ne Partiën Demokratike është shprehur se së shpejti do të publikohen dhe dy raste të tjera të kandidatëve socialist me të shkuar kriminale.
“Janë dhe dy raste të tjerë që do dalin ditë pas dite. Kemi të dhëna dhe do t’i publikojmë shumë shpejt”.
Gjatë një interviste televizive, Kaso ka folur dhe në lidhje me reformën zgjedhore duke thënë se zgjedhjet nuk janë vetëm çështje standradesh por dhe vullneti i partive politike.
“Qëndrimi ynë për fat të keq për standardet e demokracisë na dha të drejtë ku raporti i ODIHR thotë që baza ligjore do mund të përbënte një bazë ligjore të mjaftueshme nëse kjo kornizë ligjore do zbatohej me përpikmëri, çka do të thotë se zgjedhjet nuk janë çështje standardesh janë vullnet politik i cili e ka detyruar Ramën që të kandidatojë individë me të shkuar kriminale”.
Sekretari për çështjet zgjedhore është pyetun nëse PD do pranonte të ulej në tyezën e reformës zgjedhore, për të vijuar punën, por Kaso është shprehur se është e pavlerë pasi për partinë e tij shit-blerja e votës është krim.
“Do ishte e pavlerë se ne kemi ligj që shitblerja e votës është krim.”/Opinion.al E.Xh.
