Kreu i KQZ në Shqipëri Ilirjan Celibashi ka deklaruar pasditen e sotme se procesi i numërimit të votave për kandidatët është drejt fundit.
Nëpërmjet një postimi në rrjetet sociale Celibashi shkruan se kanë ngelur vetëm 9 KZAZ të cilat pritet të përfundojnë numërimin e votave preferenciale.
Ndër të tjera ai iu bën thirrje komisionerëve dhe numëruesve të vijojnë pa ndërprerje punën.
“Procesi i numërimit të votave për kandidatët, drejt fundit. Vijon numërimi në 9 KZAZ (Tiranë, Durrës, Lezhë & Elbasan).
?Komisionerët & numëruesit të vazhdojnë numërimin pa ndërprerje deri në QV-në e fundit & të mos vonojnë hedhjen e të dhënave në sistemin elektronik të KQZ”, shkruan Celibashi./ Opinion.al
