Para disa ditësh kandidati për Kryetar Bashkie i qytetit të Kavajës, Dorjan Murati u masakrua nga njerëzit për shkak të gabimeve të pafundme ortografike që kishte në të shkruar. Do të mjaftonte një status ku ai u bënte thirrje njerëzve për ta votuar që të gjithë t’a “masakronin” me ofendime dhe tallje nga më të ndryshmet. Dorjan Murati, më pas kërkoi falje publikisht duke i cilësuar gabimet e tij trashanike si diçka njerëzore.
Mirë po ai nuk është i vetmi analfabet në lista. Duket se kandidatët këtë vit kanë probleme të theksuara me të shkruarin e gjuhës shqipe. Si nga PS, PD, dhe LSI mund të gjejmë gafa trashanike, të cilat nuk i kanë aspak hije një njeriu që pretendon të përfaqësojë në parlament qytetarët.
Partia Demokratike e Hasit, e cila përfaqësohet nga Miftar Dauti, propagandon me gabime të theksuara gramatikore. Është e pamundur të lexosh një fjali të plotë pa të paktën 3 gabime drejtëshkrimore. Nuk bëhet fjalë vetëm për dialektizmat (të cilat në gjuhë zyrtare përsëri nuk janë të pranueshme) por drejtëshkrimi lë shumë për të dëshiruar.
Edhe Orjela Pamuri, numri dy i listës së Partisë Demokratike për Tiranën nuk i ka edhe aq mirë punët me zanoret “ë” dhe bashtingëlloren “ç”. Le të mos flasim pastaj për përfundimin e fjalisë e cila nuk ka asnjë kuptim.
Partia Socialiste dhe LSI, në Tiranë përfaqësohen nga njerëz që përpra se të kandidojnë për Deputetë, duhet të mësojnë abetaren nga fillimi.
Kandidati për Deputet i Partisë Socialiste në Mollas, fillimisht duhet të mësoj që emri dhe mbiemri (jo vetëm i kryetarit) shkruhen me shkronjë të madhe. Le të mos flasim për gabimet e tjera.
