Kandidati i Partisë Socialiste për qarkun e Vlorës, Vasil Llajo ka dhënë një intervistë për emisionin “Opinion” në TV Klan.
Ai ka vendosur së fundmi që të angazhohet në politikë dhe është përfshirë në listën e hapur për garën zgjedhore të 11 Majit.
Ndër të tjera, Llajo u shpreh se ka qenë zgjedhja e tij për tu bërë pjesë e listës së hapur. Sipas tij, vetëm në këtë mënyrë ai do të bëj fushatë dhe do të përballet me qytetarët, për të treguar vlerat e tij.
Pjesë nga biseda:
A ju erdhi keq që nuk ishit në listën e mbyllur dhe si e gjeni veten në këto listat e hapura ku gara është më me shumë presion?
Pse nuk e bëni pyetjen që vendosët të jeni në listat e hapura apo të mbyllura?
Po thoni që është vendimi juaj ky?
Po, vendimi im. Sepse unë në jetë jam mësuar që gjithmonë të jem i pari dhe të jem luftarak për atë që dua të bëj. Unë nuk doja që të isha në listat e mbyllura. Në listat e mbyllura është ai që është militant, është ai që pret që disa gjëra të jenë të kuadratuara. Unë dua të jem në listat e hapura që të tregoj se kush janë vlerat e mia. Unë do vete të përballem me qytetarët e mi, se në listat e mbyllura nuk bëjnë fushatë. Thjesht marrin pjesë në disa aktivitete të caktuara nga program që ata kanë nga partia që ata përfaqësojnë. Unë do dal në qytet, dua që të ballafaqohem me ata./opinion.al
