Edhe pse normat e përgjithshme të kancerit në zorrën e trashë janë në rënie, e njejta nuk po ndodhë tek personat nën moshën 50 vjeç.
Sipas studiuesve, në Amerikë normat e të prekurve me kancer në zorrën e trashë që i takojnë moshës nën 50 vjeç janë rritur për 11% gjatë dekadës së fundit, transmeton lajmi.net
“Ne me të vërtetë nuk e dimë se cila është arsya e rritjes së kancerit në zorrën e trashë tek personat më të rinjë”, është shprehur autori i studimit, Dr.Elie Sutton, raporton lajmi.net.
“Kjo mund të jetë si shkak i prekjes nga inflamacionet e ndryshme apo edhe nga ndryshimet e dietave, por nuk dihet qartë”, ka shtuar ai.
Studiuesit kanë treguar se ky lloj i kancerit tek personat nën 50 vjeç në shumicen e rasteve është zbuluar pasi është zhvilluar shumë.
Studimi ka gjetur se rastet e kancerit të zorrës së trashë tek personat nën 50 vjeç rriten 1% për çdo vit dhe kjo është shqetësuese, por ende numri më i madh i të prekurve nga ky lloj kanceri i takon atyre me moshë mbi 50 vjeçare.
Kanceri i zorrës së trashë është i treti më i zakonshëm. Studimet në lidhje me këtë dukuri vetëm sa kanë filluar dhe do të vazhdojnë edhe më tej, sipas studiuesve për të gjetur një shkaktar në lidhje me këtë gjë.
