Një avion i Air Canada u detyrua të bënte një ulje emergjente në aeroportin ndërkombëtar Halifax Stanfield, pas një problemi teknik.
Më pas gjatë momentin së uljes, një nga krahët e avionit u përfshi nga flakët.
Sipas mediave të huaja, incidenti ndodhi në orët e para të së dielës dhe fatmirësisht asnjë nga 73 pasagjerët nuk u lëndua.
Pas uljes, njerëzit në bord u evakuuan dhe më pas u dërguan në një vend të sigurt për t’u kontrolluar nga mjekët.
Shkak për incidentin u bë fërkimi i njërit krah me pistën pasi kishte një mosfunksionim në sistemin e avionit.
Si masë paraprake, fluturimet në aeroportin Halifax u pezulluan përkohësisht pas incidentit, ndërsa që nga orët e para të së dielës një pistë është rihapur./Opinion.al
