3 muaj më parë dyshohet se ishin kultivuar 125 bimët që policia gjeti në brendësi të repartit ushtarak të Zall Herrit në kuadër të operacionit të koduar “FOKUS”. Zbulimi i tyre mësohet të jetë bërë falë monitorimeve ajrore të “Guardia Di Finanzas” në bashkëpunim me Policinë e Shtetit.
Bimët e kultivuara ishin mbjellë në një zonë të pyllëzuar të ndara në 6 mini parcela dhe lartësia e tyre arrinte deri në 2.7 metra.
Pë këtë rast reagoi dhe ministri i Brendshëm Taulant Balla, i cili dha detaje mbi mënyrën se si u zbuluan bimët narkotike të kultivuara.
Taulant Balla: Për rastin në fjalë kemi pasur bashkëpunim tepër të shkëlqyer dhe me Policinë Ushtarake dhe në atë koordinatë kemi vepruar së bashku, Policia e Shtetit dhe Policia Ushtarake.
Për kanabisin e zbuluar në repartin e Zall Herrit, u arrestuan me akuzën e shpërdorimit të detyrës shefi i Sigurisë së repartit, Gramoz Mullai dhe dy specialistët e Zbulimit, Rustem Koçi dhe Gentian Zhuda. Ndërkohë u vunë në hetim 4 ushtarak të tjerë, ndër ta dhe komandanti repartit./Tv Klan
