Rreth 46 kilogramë kanabis gati për shitje si dhe disa fidanë kanabis janë sekuestruar nga policia e Tepelenës. Në operacionin e koduar “KANIONET” policia thotë se ka arrestuar 42-vjeçarin A.Z.
Nga kontrolli i ushtruar në banesën e tij në fshatin Nivicë, Policia gjeti dhe sekuestroi në cilësinë e provës materiale rreth 46 kg lëndë narkotike kanabis, si dhe në oborr dhe në afërsi të banesës u gjetën disa kubikë ku ishin kultivuar fara kanabis .
“Materialet për shtetasin e mësipërm i kaluan Prokurorisë Pranë Gjykatës së Shkallës së Parë Gjirokastër për veprat penale “Kultivim i bimëve narkotike” dhe “Prodhim dhe shitje e lëndëve narkotike”, parashikuar nga neni 284 dhe 283 i Kodit Penal”, njofton policia. / Opinion.al
