Kana Tanaka është njeriu më i moshuar në botë. Ajo jeton në Fukuoka të Japonisë dhe ka mjaftuar të tregojë certifikatën e lindjes për të hyrë në librin Guinness si personi më i moshuar në planet. Ajo është 116 vjeç e 66 ditë dhe ka qenë 1 vjeç kur shpërtheu lufta mes Rusisë dhe Japonisë, për gadishullin Sachalin.
Gjyshja japoneze zgjohet çdo ditë në orën 6 të mëngjesit dhe fle në 9 të darkës. Kana Tanaka zë kështu vendin e një tjetre gruaje japoneze, Chiyo Miyako, e cila ndërroi jetë 22 korrikun e shkuar pas 117 viteve jetë. Ndryshe nga sa mund të mendohet, Kana Tanaka u ka thënë gazetarëve se ha gjithçka, përfshi edhe ushqimet e shpejta dhe ka një dobësi të veçantë për ëmbëlsirat. Çdo ditë pi jo vetëm kafe, por edhe pije të gazuara.
Megjithëse mban aktualisht vendin e parë si njeriu më jetëgjatë në botë, në klasifikimin e përgjithshëm të njerëzve që kanë jetuar më shumë renditet në vendin e 16-të. Kana Tanaka ka thënë se dëshiron të jetojë deri 120 vjet, asnjë ditë më shumë. Nëse ndodh, do të hynte në histori si personi i dytë më jetëgjatë në botë./Opinion.al
