Një kampione botërore e shahut ka refuzuar të mbrojë titullin e saj në turneun botëror këtë javë, kjo për shkak se kampionati i shahut do të mbahet në Arabinë Saudite.
Anna Muzychuk nga Ukraina tronditi botën e shahut kur njoftoi se nuk do të konkuronte në kampionat.
Muzychuk tha nuk do të shkojë kundër parimeve të saj për t’iu nënshtruar ligjeve të Arabisë Saudite e cila kërkon që gratë të mbulohen dhe të mos ecin në publik.
“Në pak ditë unë do të humbas dy tituj të Kampionatit Botëror – një nga një. Vetëm sepse vendosa të mos shkoj në Arabinë Saudite,”-shkroi 27-vjeçarja, në një postim në Facebook. “Sepse nuk dua të luaj rregullat e dikujt tjetër, të vendos hixhab dhe sepse nuk dua ta ndiej veten një krijesë sekondare.”
Turneu, i quajtur Kampionati i Mbretit Salman World Rapid dhe Blitz, zhvillohet deri të shtunën. Në kampionat do të marrin pjesë 240 lojtarë, si burra edhe gra nga 70 vende.
Për të lejuar zhvillimin e turneut dhe ndryshimin e emrit të saj Arabia Saudite ka paguar Federatën Botërore të Shahut 1.5 milionë dollarë, katër herë më shumë se tarifa vjetore standarde e federatës.
Gratë thuhet se u lejohet të veshin pantallona në ngjyrë të zezë ose blu të errët si edhe bluze të mbyllura, ndryshe nga femrat në Arabinë Saudite që mbajnë të veshur burka.
