TIRANE- Një grua rreth 60 vjeç ka humbur jetën në aksident mesditën e sotme tek Unaza e Re. Policia njoftoi se rreth orës 12:30, afër karburant Kastratit, mjeti kamion me targa AA867AI, me drejtues Gentian Toska, ka aksidentuar një shtetase rreth 60 vjeçe.
Gruaja është dërguar në Spitalin Ushtarak në gjëndje të rëndë për jetën ku më pas ka gjetur vdekjen. Drejtuesi i mjetit është shoqeruar në polici. Në vëndngjarje, po kryen veprimet dhe ende nuk janë zbardhur shkaqet e aksidentit.
Pas rreth dy orësh, policia ka mundur të identifikojë gruan që humbi jetën. Ajo është Ruzhdie Kaca 64 vjeç, lindur në Librazhd dhe banuese në Dushk të Lushnjes.
