Policia e Durrësit ka folur zyrtarisht sa i përket kamionit me drogë të bllokuar në portin e këtij qyteti. Gjatë mbrëmjes së djeshme, Policia Kufitare në bashkëpunim me anti-drogën kanë goditur një tjetër rast të trafikimit të lëndëve narkotike.
Kështu në kamionin me targa AA 283 MZ, në brendësi të ngarkesës me aksesorë mobiliesh, është gjetur plot 457 kg kanabis. Lënda narkotike është zbuluar nga sistemi i skanerit, në vijën e dytë brenda Portit të Durrësit.
Në pranga ka përfunduar Robert Resuli, 48 vjeç, lindur në Tiranë dhe banues në Vlorë. 48-vjeçari drejtonte kamionin e drogës. Lënda narkotike kishte si destinacion tregun italian, ndërsa kjo nuk është herë e parë që autoritetet kanë bllokuar drogë në Port dhe synimi kryesor i trafikantëve është dërgimi në Itali.[fbvideo link=”https://www.facebook.com/1502420603377639/videos/1788786944741002/” width=”500″ height=”400″ onlyvideo=”1″]
