Një aksident automobilistik ka ndodhur ditën e sotme në vendin e quajtur “Kryqëzimi i Tales” në Lezhë. Një mjet i tipit kamionçinë është përplasur me një makinë të tipit Audi.
Si pasojë e këtij aksidenti policia ka bërë më dije se është plagosur 18- vjeçarja D.Gj, e cila ishte këmbësore në vendin e ngjarjes.
Gjithashtu të plagosur kanë mbetur 30-vjeçari me iniciale B.M dhe 50 vjeçari me iniciale F.Z të cilët ishin pasagjerë në makinën tip Audi.
Pasagjerët janë dërguar për mjekimin e nevojshëm në spitalin Rajonal Lezhë dhe më pas janë larguar, ndërsa 18-vjeçarja është dërguar në spitalin e Traumes në Tiranë për ndihmë mjekësore më të specializuar.
Vijojnë hetimet për të zbardhur shkaqet e aksidentit.
Lezhë / Informacion paraprak
Tek ” Kryqëzimi i Tales” ka ndodhur një aksident automobilistik ku janë përplasur mjeti tip kamionçinë me drejtues shtetasin M.Gj. 51 vjeç, banues në Kurbin dhe mjeti tip Audi me drejtues shtetasin L.Ç. 48 vjeç, banues në Shkoder.
Për pasojë është lënduar shtetasja D.Gj. 18 vjeçe , banuese në Rrubik e cila ishte këmbësore në vendin e aksidentit dhe është dërguar në spitalin e Traumes në Tiranë për ndihmë mjekësore më të specializuar, si dhe shtetasit B.M. 30 vjeç dhe F.Z. 50 vjeç, banuesë në Shkoder, pasagjerë në mjetin Audi të cilët kanë marrë mjekim në Spitalin Rajonal Lezhë dhe më pas janë larguar.
Grupi hetimor vazhdon veprimet në vendngjarje për zbardhjen e plotë të shkaqeve të aksidentit./Opinion.al/
