Një skandal me përmasa të mëdha është publikuar sonte në emisionin investigativ “Stop”. Një qytetare nga Fieri ka filmuar gjyqtarin e Fierit Roland Hysi dhe psikologen Elona Meçani duke marrë rryshfet në mënyrë që ti jepnin drejtësi. Zonja që ka kryer kameran e fshehtë në bashkëpunim me gazetarët e “Stop” thotë se ka lënë gjyqeve plot 10 mijë euro për të fituar kujdestarinë e vajzës pas divorcit me bashkëshortin. Jo vetëm kaq, gjyqtari është kapur me zë dhe me figurë duke i kërkuar edhe seks përpos se i ka marrë cash 500 euro zonjës që ishte në proces gjyqësor.
Po kështu, psikologia e kësaj gjykate duket qartë se bënte sekseren e gjyqtarëve. Duke kërkuar pastërtisht “kafen” për dy gjyqtarë. Psikologia në fjalë kërkon që paratë ti dorëzohen në ambient pa kamera dhe kërkon denoncueses të mos e flasë me askënd sepse “është vetingu”.
Biseda e zbardhur mes psikologes dhe denoncueses
Elona Meçani – Pra kjo mund të shkojë edhe në Shtator, këta kanë të drejtën ta shtyjnë. Më kupto, ça të them?
Denoncuesja – Po!
Elona Meçani – Dhe unë të thashë, se unë i kam 2 muhabete me të dhe i di shumë mirë. Dhe unë të thashë që t’i ftoje, thjeshtë si nënë dhe pastaj kafja është tjetër gjë. Nderi, nder është.
Denoncuesja – Ekzakt!
Elona Meçani – Dhe ai ka marre peshën dhe është i kujdesshëm, që t’mos vihet në përgjim. Se do vihet ky Vettingu i famshëm dhe këto gjëra…ajo, që unë them është kjo që, sepse nesër ti mund ta hapësh sërish gjyqin, për ta marrë dhe gjasat që t’i bie Rolandit, janë të mëdha, që të jetë i njëjti gjyqtar. Sugjerimi im është, t’i japësh një kafe. Vendi ku ishit ju…
Denoncuesja – Po!
Elona Meçani – …ka kamera gjithandej.
Denoncuesja – Dakord!
Elona Meçani – Unë do të sugjeroja kështu, jepi një 500 euro!
Denoncuesja – Edhe 1000 (euro) edhe 1500 (euro). Unë vetëm të marr vajzën dhe të iki!
*Video e plotë e skandalit të gjyqtarit Roland Hysi
