Kryeministri i vendit, Edi Rama gjatë komunikimit në rrjetet sociale ka replikuar me ndjekësit.
Gjatë fjalës së tij ka treguar se dalja e tij live në rrjetet sociale nuk është punë qejfi.
Teksa ka ironizuar edhe koalicionin e formuar nga Partia Demokratike me partitë e tjera, thotë se për shkak të këtij të fundit ka rralluar edhe daljet live në rrjete sociale.
“Puna ime nuk është punë krahu, është punë mendjeje. Një nga detyrat e mia është të komunikoj, të sqaroj, të reagoj. Kjo për mua është punë, nuk është qejf. Unë nuk jam TikTok-ist, por jam përfaqësues i zgjedhur, edhe i atyre që nuk më kanë zgjedhur.
Në fund fare kam detyrimin kam detyrimin të shpjegoj gjerat sipas këndvështrimit tim dhe kjo është arsyeja se pse dal live. Duke u afruar dita e zgjedhjeve kam vendosur të intensifikoj daljet. Sepse tani është bërë dhe një koalicion shumë i madh”, tha Rama.
