Bes Kallaku ka treguar disa prej situatave që krijohen në shtëpi sa herë që vajza e tij, Ajka, fle gjumë.
Gjatë emisionit të tij “BE Coffee”, ai ka thënë me humor se Xhensila nuk e lë që të bëjë as lëvizjen më të vogël sepse ka frikë mos zgjohet vajza.
“Një ditë Xhensila po vinte vajzën në gjumë. Unë u hodha dhe doja të kapja facoletat mbi frigorifer, kur në atë moment zuri gjumi gocën. Xhensila kthehet dhe më tha ‘Shhh se e zuri gjumi’. Ndejta në atë pozicion derisa u zgjua goca. Ore 2 orë kam ndejt me këmbën në ajër. Herë tjetër ‘Shhh mos u ço se është goca në gjumë. Ore po dua të shkoj në banjo. ‘Kur të zgjohet goca shko’. Dua të marr frymë. ‘Kur të zgjohet goca”, tregoi Besi.
Nga ana tjetër, Xhensila këtë deklaratë e ka marrë me të qeshur dhe ka postuar dy video në Instastory ku shihet duke ndjekur emisionin teksa dëgjohet duke qeshur.
