“Kam lënë play station për të luajtur titullar te Man. Utd”

Mbrojtësi i Manchester United Phil Jones ka krijuar një dedikim të ri për sa i përket riaftësimit mbas ndeshjes me rikthimin e tij në formë të mirë fizike. Jones kishte kohë që vuante nga dëmtime të njëpasnjëshme. Gjithsesi, anglezi momentalisht po kalon një periudhë të mirë, duke formuar një partneritet të mirë me Marcos Rojo teksa djemtë e Jose Mourinhos janë përmirësuar pas një starti të dobët të kampionatit. “Mendoj se teksa vitet kanë kaluar jam bërë më i zgjuar për sa i përket riaftësimit dhe kam kuptuar se sa i rëndësishëm është procesi,” shprehet Jones. “Kur isha më i ri mendoja se i dija të gjitha dhe mbas ndeshjes do dilja për të ngrënë diçka apo luaja Play Station. Tani i marr gjërat më seriozisht dhe riaftësohem ashtu si ç’duhet pasi e di që duhet ta vendos veten time në pozicionin ideal për të qenë gati ndeshjen tjetër.” Jones foli edhe për trajnerin e ri Jose Mourinho. “Është fantastik. Ka treguar shumë besim tek aftësitë e mia dhe shpresoj që t’ia shpërblej. Nuk jam një lojtar që na nevojë për elozhe por është diçka e bukur kur trajneri dhe njerëzit rreth teje të thonë se je duke luajtur mirë.”