Pas vrasjes së 15 studentëve dhe dhjetërave të plagosur, policia në Pragë po heton një lidhje të mundshme midis personit të armatosur dhe një sërë postimesh me përmbajtje dhune në gjuhën ruse në Telegram.
Personi i armatosur, një student 24-vjeçar i Universitetit Charles, i identifikuar si David Kozak, hapi zjarr në katin e katërt të një ndërtese universiteti. Nga të shtënat u plagosën 25 studentë dhe dyshohet se pak para ngjarjes kishte vrarë edhe babanë e tij.
Ai dyshohet gjithashtu se ka vrarë dy persona në një pyll javën e kaluar.
Personi i armatosur, i cili ishte nga Hostouň në Boheminë qendrore, u konfirmua i vdekur në përfundim të sulmit, tha shefi i policisë së Pragës,
Studenti i cili ka shkaktuar masakrën më të tmerrshme në historinë e Republikës Çeke, i kishte dhënë sinjalet më parë. Bazuar në hetimet e deritanishme ai kishte paralajmëruar në Telegram se kishte dashur gjithnjë të kryente një vrasje masive. Në një nga mesazhet e shumta të kësaj natyre, David shkruante më 10 Dhjetor të këtij viti se inspirimi i tij ishte Alina Afanaskina. Kjo e fundit, një vajzë ruse hapi zjarr ndaj shokëve të klasës pak kohë më parë.
Masakra është vrasja masive më e keqe në historinë e Republikës Çeke./Opinion.al
