Kryeministri i Kosovës, Ramush Haradinaj ishte i ftuari i radhës sot në emisionin “Xing me Ermalin” në Tv Klan.
Drejtuesi i emisionit Ermal Mamaqi nisi intervistën me kryeministrin me një pyetjet tejet të sikletshme. “A keni dashnore”? Kjo ishte pyetja që që moderatori i drejtoi Haradinajt, i cili nuk nguroi të përgjigjej duke thënë po.
Mamaqi shkoi më tej duke i kërkuar kryeministrit të thotë emrin e saj dhe ai tha emrin e bashkëshortes së tij Anita.
Ermal Mamaqi: Zoti Ramush, a keni ju dashnore?
Ramush Haradinaj: Po.
Ermal Mamaqi:Çfarë po ndodh… Në emisionin tim ose qajnë njerëzit ose ndahen, por uroj që të shkojë gjithçka mirë. E di që do transmetohet kjo, nuk e pres në montazh.
Ramush Haradinaj: E vërteta është e vërtetë. Kam.
Ermal Mamaqi: A mund ta dimë emrin. Se ju jeni edhe pak i martuar dhe me fëmijë…
Ramush Haradinaj: Emrin e dashnores time?
Ermal Mamaqi: Po.
Ramush Haradinaj: Anita.
Ermal Mamaqi: Jo mo jo. Po ky është emri i gruas… E ka gruan si të dashur./tvklan.al
