Kryeministri Edi Rama thotë se Tiranën moderne e ka bërë ai dhe Erion Veliaj, i cili ndodhet në burg, ndërsa PD është përpjekur gjithmonë që të ndalojë projektet që zhvillonin kryeqytetin.
Gjatë fjalës së tij, kreu i qeverisë solli në vëmendje dhe projektin që ai bëri shumë vite më parë pranë Lanës.
Ai tha se “ka bërë korrupsion”, ndërsa zbuloi dhe bisedën që kishte zhvilluar në atë kohë me ndërtuesit.
“Nuk ua rrok truri se mund të ekzistojnë njerëz që nuk marrin lekë për leje ndërtimi por ama u kërkojnë bizneseve pemë për leje ndërtimi. Ato ndërtimet që u prishën në Lanë atëherë, e dini si janë prishur dhe si është pastruar një sasi rrënojash që kapi volumin 138 mijë ton beton? Janë prishur me korrupsion! Kam bërë unë korrupsion. I kam thirrur ndërtuesit në zyrë dhe u kam thënë u keni dhënë ‘ore naj lek për lejen e ndërtimit, më thanë jo, jo, jo… por mirë dini budalla mua që merrni leje ju dhe nuk jepni asgjë? Atëherë i thash ka ardhur koha që t’i paguani ryshfetin qytetarëve të Tiranës, ua ndava me çova segmentin e Lanës dhe u thash merrni buldozerët tuaj, naftën tuaj dhe shkoni prishini se për ndryshe nuk merrni më leje ndërtimi. Dhe në vijën logjike të një sërë hetimeve intensive jam gati të dorëzohem para drejtësisë! E kam bërë këtë shumë here madje, por ata që dje në çdo pallat të ri shikonin përqindje për leje ndërtimi dhe kur u thash që s’ka bir kurve dhe nënë që të dali dhe të thotë mua që me ka marrë lekë, më nxorën një burrë që më ka kërkuar falje 34 herë dhe unë e kam falur 38 herë por ai vazhdon me kërkon falje”,-tha Rama./Opinion.al
