Klaudia Pepa është padyshim një nga balerinat më të suksesshme shqiptare. Ajo prej më shumë se dy vitesh, po korr sukses edhe në Itali falë talentit të saj. Shpesh herë e kemi parë Klaudian pjesëmarrëse edhe nëpër evente të mëdha ndërkombëtare, ndërsa së fundmi ajo ka qenë e pranishme në “Festivalin e Filmit” në Venecia.
Klaudia u shfaq e veshur me një fustan gurkali, i cili ishte sa serioz, aq edhe sensual. E veshur me një fustan të gjatë, me dy të çara anash që i tregonin këmbët, një fjongo në pjesën e qafës dhe taka ngjyrë nude, Pepa ishte padyshim në listën e të veshurave më bukur në këtë festival. Fotot ajo i postoi edhe vetë në profilin e saj në Instagram, ku ka marrë komplimente të shumta nga ndjekësit.
