Policia e Tiranës ka arrestuar një të ri me kallashnikov dhe 30 fishekë të fshehura në makinë.
Ilmi Flora, 30 vjeç, banues në Tiranë është vënë në pranga nga uniformat blu të komisariatit numër 5 në kryeqytet.
Kapja e tij është bërë në vendin e quajtur “Rruga e Arbrit”, pasi në makinën e tij Volksvagen, me targë TR 2489 I, në sediljen e pasme të mjetit, është gjetur një armë zjarri e llojit “Kallashnikov”, model 56 dhe një krehër me 30 fishekë.
Dosja i ka kaluar Prokurorisë së Tiranës, për veprën penale, “Prodhim dhe mbajtje pa leje e armëve luftarake dhe e municionit”.
