Kadri Veseli është zgjedhur Kryetari i ri i partisë më të madhe në Kosovë. Në votimin e hapur, të gjithë delegatët e kanë votuar atë.
Kryetari i PDK-së, Kadri Veseli,pas zgjedhjes së tij ka mbajtur një fjalim para delegatëve të partisë. Ai ka thënë se prioritet i partisë që do tw udhëheq do të jetë përmirësimi i jetës së qytetarëve, duke i ofruar arsim më cilësor, shëndetësi më të mirë dhe zhvillim ekonomik.
Para se të merrte detyrën e tij si i pari i PDK-së, ai u ka kërkuar anëtarëve të PDK-së që të mos e votojnë nëse nuk e njohin.
Kryetari i Kuvendit të Kosovës, Kadri Veseli, është nominuar për kryetar të Partisë Demokratike të Kosovës, në Konventën e 7-të të jashtëzakonshme të PDK-së.
“Falënderoj kryesinë e PDK’së për vlerësimin që më ka dhënë. Nuk kemi dashur të krijojmë formalizma, t’i hedhim sy vetes dhe mediave se kinse e kemi një kundër-kandidat”, ka thënë Veseli në fjalimin e tij para të pranishmëve para se të shkohet në votim.
