Kryeministri Edi Rama në prezantimin e reformës për Agjencinë Shtetërore të Kadastrës ka folur për problematikat që ka hasur ky institucion gjatë kohëve të fundit.
Gjatë fjalës së tij, Rama tha se Kadastra nuk është arritur të transferohet në atë çka vërtet duhej të ishte dhe se puna e bërë deri më sot është penguar sipas tij nga ministrat, deputetët dhe kryetarët e bashkive.
Kryeministri thekson se Kadastra është institucioni i vetmi që bashkëjeton me kërcënime dhe sa herë mendonte për të mendonte për falje, gjë të cilën Rama e kërkoi në hyrje të fjalës së tij.
Ai lajmëroi se nga e hëna, më 3 korrik, askush brenda në Kadastër nuk do mundet që t’iu përgjigjet asnjë kushëriri apo miku, pasi çdo gjë do të bëhet përmes e-Albania.
“E vërteta e parë është që ne nuk kemi arritur, edhe pse kemi pasur kohë të gjatë në dispozicion, që ta transferojmë Kadastrën në atë që është në të vërtetë. Është njësoj si Banka e Shqipërisë, si një bankë e nivelit të dytë ku mbahen kursimet e qytetarëve. Si një bankë, Kadastra nuk është fole për qoka. Kadastra është penguar në mënyrë të vazhdueshme nga ju. Flas për kategorinë që ju përfaqësoni, deputetë, ministra dhe kryetar bashkish. Ata që kanë sadopak pushtet, që i kanë dhënë vetes së drejtë të internojnë me Kadastrën si të ishte një rifuxho për të gjitha llojet e nevojave.
Banka e sigurt e pronës së patundshme të shqiptarëve është Kadastra. E vërteta tjetër e kësaj histori është që e shkuara e tmerrshme. Ne kemi trashëguar një situatë katastrofike. Pa dyshim që kemi bërë shumë përpjekje, e s’mund ta mohojë njeri. Para syve tanë kemi parë çudira me pronat e shqiptarëve. Ajo shprehja ‘kur gjenerali shkul një mollë, ushtarët arrin gjithë pemën’ merr jetë tani.
Dallëndyshja përmendi fjalët kërcënime. Kadastra është institucioni i vetmi që bashkëjeton me kërcënime. Kërcënime nga të katërt anët. Sa herë kam menduar për Kadastrën kam menduar për falje. Nga e hëna, më 3 korrik, askush brenda në Kadastër nuk do mundet që të përgjigjet, asnjë nga kushërinjtë dhe miqtë e tyre. As ata që kanë dhënë jetën për PS nuk do bëjnë dot gjë.
Nga e hëna do jetë një makineri dixhitale. Punonjësit të Kadastrës në Gjirokastër do i dalë të trajtojë një çështje prone në Tropojë. Qytetarëve i bëj thirrje të mos shkojnë më në Kadastër se nuk i pret më askush. Kadastra është një dritare përmes e-Albania”, u shpreh Rama./Opinion.al
