Sonte në mbrëmje në orën 20.45 luhen dy çiftet e ndeshjeve të rradhës në Champions League.
Pas emocioneve që na dhuruan mbrëmë çiftet Arsenal-Barcelona (0-2) dhe Juventus-Bayern Munich (2-2), sontë do të ndeshen PSV Einthoven-Atletico Madrid dhe Dinamo Kiev-Manchester City.
Manchester City ka arritur për herë të tretë rresht 1/8 e Champions League. Me siguri janë ndjerë të lehtësuar teksa kanë parë se kundërshtari i tyre do të jetë Dinamo Kiev dhe jo, si në dy vitet e fundit, Barcelona.
Kjo është hera e parë që ata kanë hyrë në fazën e nokautit si fitues të grupit dhe shpresojnë që të ecin më shumë se në vitet e kaluara. Teksa i mbijetuan “Grupit të Vdekjes”, i cili përbëhej nga Juventus, Borussia Monchengladbach dhe Sevilla, pritshmëria drejt teknikut kilian është rritur, i cili po përjeton javët e fundit në stolin e City.
Në krahun tjetër kampionët e Ukrainës, Dinamo Kiev nuk janë në kulmin e tyre, por kjo mund të kthehet në një avantazh.
Ukrainasit kanë që në sezonin 1999/2000 që nuk ndodhen në 1/8 e Champions League. Ata janë një skuadër e fortë për t’u thyer, dhe tranzicioni nga mbrojtja në sulm është i rrufeshëm me anë të lojtarëve të krahut shumë të shpejtë që ka në dispozicion.
Dinamo ka që në dhjetor që nuk luan një ndeshje zyrtare, dhe mungesa e ndeshjeve mund të jetë një disavantazh për ta. Por me siguri do të jetë një ndeshje e fortë, sidomos në Kiev.
Fakte rreth ndeshjes
Dinamo Kiev kishte që në sezonin 1999/2000 që nuk arrinte në fazën e nokautit të Champions League. Atëherë ata u eliminuan nga Bayern Munchen.
– Dinamo e përfundoi fazën e gupeve në vend të dytë, prapa Chelsea. – Manchester City, të cilët kapën vendin e parë të grupit D, përpara Juventus, kanë arritur të kualifikohen për fazën e nokautit për herë të tretë radhazi.
– Dinamo Kiev dhe Manchester City janë ndeshur vetëm një herë bashkë, ë vitin 2010/2011 për Europa League. Ukrainasit fituan me rezultati 2:1 ë total.
– Ekipet angleze nuk kanë fituar asnjë nga pesë ndeshjet e fundit kundër një ekipi ukrainas. – Manchester City është ekipi i vetëm nga 16 ekipet pjesëmarrëse që nuk ka arritur të mos pësoj gol në të paktën një ndeshje.
– Asnjë nga 34 ndeshjet e City në Champions League nuk kanë përfunduar pa gola.
– Dinamo Kiev ka fituar vetëm një nga pesë ndeshjet e fundit në Champions League
Formacionet e mundshme Dinamo Kiev: Shovkovskiy, Danilo Silva, Dragovic, Khacheridi, Vida, Gonzalez, Sydorchuck, Rybalka, Garmash, Yarmolenko, Junior Moraes Manchester City: hart, Zabaleta, Kompany, Otamendi, Clichy, Fernandinho, Fernando, Sterling, Toure, David Silva, Aguero
