Rreth 35 shkolla të Atikës, në Greqi janë alarmuar mëngjesin e sotëm pasi kanë marrë emaile kërcënuese për shpërthime bombash.
Sipas informacioneve të marrë nga mediat greke bëhet fjalë për një shaka dhe autori dyshohet se është një haker rus.
Lajmi ka shkaktuar shqetësim në disa shkolla, ku nxënësit dhe mësuesit kanë dalë jashtë ndërtesave.
Emailet kërcënuese janë dërguar nga jashtë Greqisë dhe janë marrë nga shkollat e zonave si Gerakas, Galatsi, Haidari dhe N. Jonia.
Ndërtesat shkollore u evakuuan dhe autoritetet policore për arsye paraprake kanë kryer kontrolle në vend.
Ndërkohë autoritetet janë në kërkim të gjurmëve elektronike të hakerit rus.
