27 golat e realizuar nga Juventus në këto 9 javë të para të Kampionatit përfaqësojnë një rekord për skuadrën torineze që prej kohës së krijimit të Serie A, në sezonin e largët 1929-1930.
Hera e fundit që shënohej ky numër golash pas 9 ndeshjes ka ndodhur thuajse gjysmë shekulli më parë, bë sezonin 1959 – 1960, kur Juventus me emra si Bonipertie Sivori shkatërronte çdo kundërshtar madje me shumë gola. Rekordin absolut për sasinë e golave e mban gjithsesi Milan në sezonin 1950-51 me 33 rrjeta, afërsisht 4 gola në çdo ndeshje.
Por ato vite ishin kohë të tjera ku shpesh herë sulmuesit e klasit nuk kishin përballë mbrojtës të të njëjtit nivel me teknika të afta për të përballuar aksionet ofensive. Sigurisht që me futbollin modern kjo arritje e skuadrës së Allegri është për tu vlerësuar si rekord. Më afër se kaq ka shkuar vetëm Milan në sezonin 2001-2003 me 23 gola.
Por futbolli është një lojë në të cilën nuk shpallet kampion ajo skuadër që ka sulmin më të mirë por ajo që ka mbrojtjen më të fortë dhe që respektivisht, regjistron më shumë fitore dhe ky sezon i Serie A deri tani po kryesohet nga Napoli./Tv Klan
