Kapiteni i AC Milan Leonardo Bonucci nuk do të festonte golin ndaj ish-ekipit të tij në Allianz Stadium por u ofendua nga tifozët.
Ish-lojtari i Juventus është fërshëllyer dhe ofenduar nga tifozët e pranishëm sa herë që ai prekte topin në udhëtimin e tij të parë në Torino që prej verës.
Ishte pikërisht ai që barazoi përkohësisht rezultatin përpara se Juventus të shënonte dy herë në fund të takimit.
“Ishte një moment emocionues. Mendoj se mirëpritja ishte 50-50, ata preferuan të më fërshëllenin dhe unë e respektoj këtë, por mendoj se kam dhënë shumë në 7 vite te Juventus duke luajtur më shumë se të gjithë,” shprehet Bonucci për Sky Sport Italia.
“Nuk kam asgjë me tifozët, pasi ata kanë të drejtën e tyre të bëjnë çfarë të duan. Ishte një ndeshje me intensitet dhe e mbushur me emocione. Nuk kisha në plan të festoja golin por ofendimet më ndryshuan mendjen.
“E bëra një batutë me ish-shokët e ekipit për ecurinë e pamposhtur, pasi isha tek Juventus kur bëri rekordin 979 minuta pa u mposhtur.”
