Alvaro Morata është gati të bëjë rikthimin e tij tek Juventusi. 28-vjeçari do të jetë zgjedhja e juventinëve për sulmin në sezonin e ardhshëm pas tratativave të shumta që përfshinë emra si Suarez dhe Dzeko.
Morata, i cili luajti për Juventusin nga viti 2014 në 2016, do t’i nënshtrohet vizitave mjekësore të martën përpara nënshkrimit të kontratës së huazimit.
Juventus ka vendosur të paguajë një tarifë huazimi prej 9 milionë euro me një mundësi blerjeje për 45 milionë euro.
Transferimi i spanjollit do t’i japë fund kërkimeve të Juventusit për një sulmues të ri.
Juventus kishte arritur një marrëveshje për të nënshkruar Dzekon nga Roma, por kjo marrëveshje ishte e komplikuar nga dëshira e Romës për të nënshkruar sulmuesin e Napolit, Arkadiusz Milik si zëvendësues.
Suarez udhëtoi në Itali për të përfunduar një lëvizje pasi kishte rënë dakord për një kontratë prej 10 milionë eurosh por drejtori sportiv Fabio Paratici ka konfirmuar se marrëveshja nuk do të kryhet.
Në vend të tyre, Andrea Pirlo do të mirëpresë përsëri shokun e tij të ekipit Morata ndërsa sulmuesi kthehet në ambientet e njohura të karrierës së tij.
Ai shënoi 27 gola në 93 ndeshje në dy sezone në Torino, duke formuar një dyshe të mirë sulmi me Carlos Tevez nën drejtimin e Massimiliano Allegrit.
Është raportuar se zëvendësimi i Moratës në Atletikon e Madridit do të jetë Suarez, objektivi i mëparshëm i Juventusit, të cilit i është thënë se mund të largohet nga Barcelona nga trajneri i ri Ronald Koeman./ Opinion.al
