Justin Bieber ka përplasur një fotograf teksa përpiqet të largohej nga kisha me makinë. Këngëtari po përpiqej t’i bënte bisht paparacëve e menjëherë sa doli nga kisha, u ngjit rrëmbimthi në makinë.
Por teksa largohej këngëtari i hitit ‘Sorry’ ka përplasur 57-vjeçarin. Menjëherë në vendngjarje ka mbërritur policia dhe ambulanca për ti dhënë ndihmën mjekësore fotografit. Ai është transportuar në spital jashtë rrezikut për jetën dhe pa lëndime serioze. Këngëtari qëndroi pranë fotografit derisa ai u dërgua në spital.
