Kjo nuk duket të jetë një periudhë e mirë për këngëtarin Justin Bieber, pasi çdo veprim që ai bën po keqkuptohet nga ndjekësit e tij. Këtë herë ai ndau në profilin e tij në rrjete sociale foton homazh të reperit Diddy, si dedikim për ish-partneren e tij të ndjerë, duke shprehur keqardhjen e tij për ndarjen e saj nga jeta.
Veçse ndau këtë foto Bieber vuri në dukje se veshja e asaj kohe e Diddyt ngjasonte me koleksionin e linjës së tij të veshjeve. Ky krahasim në këtë çast është dukur tërësisht i pavend për fansat, ku i kanë kërkuar ta fshijë foton: “Fshije këtë, ai e ndau foton për të kujtuar gruan e tij, jo për reklamë të linjës së veshjeve”. Këngëtari i është kundërpërgjigjur këtyre komenteve duke shkruar:
“Je gabim. Zoti e di çfarë zemre kam. Unë i njoh ata dhe familjen e tyre, mos më thoni që po tregohem i parespektueshëm. Unë kam gjithë respektin për ta, por nuk e vura re se ishte një foto në nder të Kim dhe e respektoj totalisht këtë gjë, por respektoj edhe këtë foto që është kaq e bukur. Është e lehtë të vlerësosh artin, fotografitë janë art dhe siç duket ai ka një veshje identike me linjën time të veshjeve dhe mendova se kjo ishte diçka shumë e bukur”, – ka përfunduar Bieber.
Aktualisht këngëtari po kalon probleme më ankthin dhe depresionin dhe ka marrë vendimin për t’u tërhequr nga muzika./Opinion.al/
