Sekretari i Përgjithshëm Blendi Klosi, në seancën në Kuvend, tha se propozimi i opozitës që diaspora të votojë edhe me dokumente të huaja, nuk mund të miratohet sepse vërtetësia e dokumentit nuk mund të verifikohet.
Teksa i është përgjigjur Kreut të Grupit të PD-së Gazment Bardhit, Klosi ka theksuar se do të fitojnë pasi janë të organizuar në çdo cep të Shqipërisë, në Greqisë, Italisë.
Ai ka thënë se PS punon për votën, ndërsa opozita për sherret, prandaj në këto 4 vite e vetmja gjë që kanë arritur është se nga një parti u bënë katër.
“Ti nuk i di hilet koleg, se nuk je pjesë e kupolës që vendos listat. Ti di çfarë thuhet dhe nuk e di çfarë mendohet. Unë nuk thashë dokument, por ajo që prodhohet me celular. Kërko në Google, i nderuar koleg, kjo foto që ta jep interneti, që mund të manipulohet në çdo moment. Kjo foto e ardhur nga Belgjike, nuk verifikohet dot.
Ne fitojmë se kemi shumë njerëz që punojmë, jemi të organizuar në çdo cep të Shqipërisë, në Greqisë, Italisë etj. Ne punojmë për votën, ndërsa ju për sherret. E vetmja gjë që keni bërë në këto 4 vjet, jeni zënë me njëri tjetrin. E vetmja gjë që mund të krenoheni është se nga një parti u bëtë 4”, tha Klosi.
