Policisë greke ju deshën 7 orë marrje në pyetje për të “thyer” 52 vjeçarin shqiptar dhe të pranonte vrasjen e të bijës 29 vjeçare.
Gjatë marrjes në pyetje të tij, 52 vjeçari shqiptar iu lut policisë që të bënin diçka për të gjetur vajzën e tij.
“Ju lutem më ndihmoni të gjej fëmijën tim”, mësohet të jetë shprehur ai në vijimësi gjatë orëve të marrjes në pyetje, por në fund, pranoi krimin dhe duke rrëfyer dhe vendin ku e kishte varrosur të bijën.
Familja shqiptare jetonte prej vitesh në ishullin e Korfuzit, ndërsa 29 vjeçarja shqiptare ishte lidhur me një të ri afgan, i cili jetonte gjithashtu në Korfuz prej vitesh.
I dashuri i saj, mësohet të ketë deklaruar në polici, se vajza nuk kishte asnjë kontakt me nënën e 15 vitet e fundit dhe i njeriu i vetëm që e kishte rritur dhe edukuar, ishte babai i saj.
Ai ka deklaruar se nëna e saj ishte larguar nga Korfuzi prej vitesh dhe mendohet se jeton në Shqipëri.
Tashmë, kundër 52 vjeçarit shqiptar është hapur dosja për vrasje me dashje.
