Moderatorja e emisionit Pasdite në Top Channel, Jonida Shehu do të jetë edhe “truri” i programit për sezonin e ri televiziv. Duket pak e çuditshme në fakt sepse ndërsa programi i ri pritet të nisë, Jonida pret të sjellë në jetë fëmijën e parë. Por me sa duket gazetarja ka vendosur të mos qendrojë fare në shtëpi për rritjen e fëmijës por ti kthehet ekranit të TCH dhe tashmë me një detyrë edhe më të vështirë, autore dhe moderatore programi.
Jonida Shehu zëvendëson në këtë detyrë Dori Dakën e cila ishte për disa vite autore e këtij programi. Sakaq, sezoni i ri në TCH pritet të nisë në tetor dhe jo në shtator kur edhe fillojnë programet e tjera televizive.
Ndërsa në Vizion Plus është mësuar më herët se Orinda Huta nuk do të jetë më pjesë e pasditeve, emisioni në këtë TV do të drejtohet nga Anila Çela. /Opinion.al
