Me një veprim të rrallë për një politikan, Joe Biden iu përgjigj një personi që bën pyetje jo të zakonshme me një reagim emocional dhe personal që riktheu qetësinë në sallë.
Zv.presidenti amerikan po bënte fushatë për kandidaten Demokrate për presidente, Hillary Clinton në Cleveland, kur u ndërpre nga një protestues kundër luftës.
“Miku im u vra, kemi luftuar për Amerikën”, përsëriste vazhdimisht një person në sallë.
“The Guardian” raporton se, protestuesi kundërshtonte politikat e jashtme të ShBA-së në Siri.
Biden, i vetëpërmbajtur ndaloi para se t’i drejtohej me fjalët: “A do të më dëgjosh? Po, kjo ndodhi dhe me djalin tim.”/raporton panorama.
Më pas e ftoi atë për të diskutuar për këtë çështje pas fjalimit. Më pas, protestuesi u pa të kalonte në pjesën e pasme të skenës pasi foli me punonjësit e shërbimit sekret.
Djali i Biden, që ka shërbyer si ushtar vdiq nga kanceri në tru vitin e kaluar. 46-vjeçari shërbeu për disa vite në Irak. Biden ka deklaruar se humbja e tij ishte faktori që nuk garoi për president.
Vdekja e djalit Beau erdhi pasi vajza e tij Naome dhe bashkëshortja Neila Hunter vdiqën në një aksident rrugor në vitin 1972.
