Kryeredaktori i Panorama Sport, Jetmir Halilaj ka folur për ngjarjen tragjike të ndodhur pak më parë, në fushën e blertë, ku ndërroi jetë futbollisti i Egnantias, Raphael Dëanena.
Halialaj tha se vetë futbollisti ka deklaruar se ‘Jeta ime është në dorë të Zotit’, ndërsa shtoi se se 28-vjeçari ishte këshilluar nga mjekët për të mos luajtur, por vendosi të mos e ndiqte këtë sugjerim.
“Nuk kam pasur kontakt të drejtpërdrejtë, por më kanë befasuar aftësitë e tij. I befasuar që edhe pas 2 sinjaleve që kishte marrë për shëndetin e tij, ai vazhdonte dhe luante futboll. Kjo temë është trajtuar edhe në media. Futbollisti kishte marrë udhëzim që nuk duhet të luante futboll që prej vitit 2018. Ai vetë ka deklaruar se ‘jeta ime është në dorë të Zotit’. Ky nuk është rasti i parë që një futbollist ka pasur probleme me zemrën, një prej tyre ka qenë një futbollist i Laçit. Duhet një rregullore e qartë se kush duhet të luajë dhe kush jo. Nëse një sportist me këto indice thotë që jetë e tij është në dorë të Zotit, a mund t’i paraprihet kësaj?”, u shpreh gazetari Halialaj.
Kujtojmë se Raphael Dëanena, ra pa ndjenja në fushën e blertë në minutën ‘23-‘24,
Menjëherë, u futën në fushë, mjekët e ekipeve dhe autoambulanca, dhe futbollisti u transportua në spitalin e Kavajës, por mjekët konfirmuan se 28-vjeçari kishte humbur jetën.
