Ministri i Vatikanit për Komunikimin, Dario Vigano, i angazhuar në një sërë reformash mediatike të Selisë së Shenjtë, dha sot dorëheqjen pas një polemike mbi dyshimet për fshehjen e kritikave të bëra nga Benedikti XVI.
“Pasi kam reflektuar dhe studiuar me kujdes motivet e kërkesës tuaj (…), respektoj vendimin dhe pranoj, me pak vështirësi, dorëheqjen tuaj”, shkruan papa Françesku për Viganon, në një letër të publikuar nga Vatikani.
Çështja daton që prej 12 marsit, kur Vigano ka prezantuar një koleksion librash mbi teologjinë e papa Françeskut dhe një letër, publikuar në mënyrë të pjesshme, të Benediktit XVI, i cili e përshëndet këtë iniciativë dhe e vë theksin tek formimi i thellë filozofik dhe teologjik i pasardhësit të tij.
Prezantuar një ditë para pesë-vjetorit të zgjedhjes së papa Françeskut, letra u perceptua si mbështetje publike nga ana e papës së shquar gjerman.
Bëhej fjalë për një përgjigje private, të shkruar një muaj më parë, për një kërkesë për të kontribuar për veprën.
