I ndodhur në Gjermani, në panelin e “Perspektiva Europiane e Ballkanit Perëndimor”, kryeministri Edi Rama foli për Bashkimin Evropian. Ky i fundit sipas tij, është i vetmi entitet politik që bashkon vendet e kontinentit. E sidomos pas luftës, e konsideron si domosdoshmëri anëtarësimin në BE.
“Çfarë në fakt e bën BE-në një rast unik, po kështu në historinë e hartave sepse është i vetmi entitet politik me një kufi të jashtëm që kufizon vetveten me pjesën tjetër të tij dhe një kufi i brendshëm që kufizon në vetvete 6 vendet e BP. Që të vish në Shqipëri pra, të duhet të dalësh nga BE, por të hysh në zemër të Europës. Kjo vlen edhe për morinë e migrantëve që erdhën në Gjermani, sidomos gjatë krizës së madhe të refugjatëve të vitit 2015. Iu desh të hynin në BE përmes Greqisë, të dilnin nga BE përmes Maqedonisë së Veriut, e të hynin sërish në BE përmes Kroacisë apo Rumanisë. Më duket po kështu se Ballkani Perëndimor është aty për të qenë dëshmitar se termi zgjerim s’ka të bëjë me zgjerimin,s epse kur merr peshë zgjerohesh, por kur të duhet të integrosh pjesë të stomakut me trupin, nuk zgjerohesh, bashkon…Për t’u bashkuar me BE sigurisht duhet të bëjmë detyrat e shtëpisë, por njëkohësisht falë Putin BE kuptoi se aspekti gjeo-politik është shumë më tepër i dukshëm në vetvete se sa iu dukej, në momentin që gjithkush mendonte se luftërat nuk do ktheheshin kurrë në Europë”, deklaroi ai.
Teksa sërish vuri theksin te detyrat që Shqipëria duhet të përmbushë për t’u bërë vend anëtar, ai foli për historinë e vendit tonë.
“Ne kemi një histori unike, e pakrahasueshme me historinë e ish-vendeve të tjera komuniste. Sepse ishim të izoluar si nga Lindja ashtu dhe Perëndimi. Ishim një Kore Veriu në mes të Europës për shumë e shumë vite. U bëmë i vetmi vend që pas rënies së komunizmit, nuk kishte një parti komuniste, ende nuk e kemi një. Izolimi ynë tejet i dhimbshëm na bëri ndërkohë të jemi ai vend që sot mbështetur në barometrin e BE, vendi më pro-europian, përfshirë dhe Gjermaninë.“
“Për ne BE nuk është një bankomat, nuk ka të bëjë me paratë, por me një parametër paqeje mbështetur në vlera. Parametër tolerance, sigurie…”, nënvizoi kryeministri në fjalën e tij.
