Avokatja e familjes së Enkeleda Danajt, Voula Dimitriadou, ka folur për ngjarjen e rëndë, ku 40-vjeçarja shqiptare u masakrua nga ish-burri i saj në Greqi.
Ajo ka deklaruar se 50-vjeçari, autori i krimit “e quante vajzën prostitutë” dhe thoshte “se është bërë si nëna e saj”.
Avokatja sqaron më tej se Eduart Danaj e kishte planifikuar që më parë krimin dhe se ishte i vendosur për ta vrarë.
Kujtojmë se prokurori ka ngritur kallëzim penal kundër autorit për vrasje me dashje në gjendje të qetë shpirtërore, armëmbajtje pa leje dhe përdorim të armëve.
“Abuzimi i nënës në sy të fëmijëve bën që edhe fëmijët të abuzohen. Duket se ai e kishte planifikuar që më parë dhe kishte bërë një plan në mendjen e tij. Ai është i vendosur. Ky njeri eci për 5 km!
Për çfarë alkooli po flasim? Zakonisht abuzuesit vendosin një ‘maskë’.
Sipas vëllezërve të saj, ajo ka shkuar disa herë në polici. Kjo grua kishte marrë një kredi për të blerë një shtëpi?’ theksoi avokatja e 40-vjeçares së ndjerë.
Rrëfimi i 50-vjeçarit pas arrestimit:
50-vjeçari i arrestuar pasditen e së enjtes ka rrëfyer në mënyrë cinike krimin e tij, duke përshkruar se:
”U zgjova në mëngjes dhe shkova në atë vend të caktuar sepse e dija që po kalonte në orën 5.30 të mëngjesit. Kur e pashë, nxora thikën dhe fillova ta godas. Më pas u largova në këmbë dhe shkova në një hotel. U ula për pak dhe më pas u largova”.
I pyetur nga policia se pse e ka kryer krimin e rëndë, autori është përgjigjur:
”Unë punoja dhe ajo po më hante paratë. Dje mora vendimin për të vrarë gruan time. Të punoj dy punë që të më hajë ajo? E dija se kur do të dilte nga shtëpia. E qëllova dhe e godita me thikë. Më pas shkova në një hotel ku qëndrova rreth dy orë. Pastaj dola jashtë. Piva disa birra derisa policia më gjeti në ndërtesë”.
Vlen të theksohet se në asnjë moment 50-vjeçari nuk është penduar dhe nuk ka kërkuar falje.
