Jay Z bën deklaratën shokuese: Qava kur mora vesh që mamaja ime ishte lezbike

Ai është reperi i hitit më të njohur e më të pëlqyer nga të rinjtë, “Niggas in Paris”. Emri i tij lakohet ngado dhe jo vetëm për muzikën. Reperi prej vitesh është gjithashtu bashkëshorti i këngëtares së mirënjohur botërisht, Beyonce.
Bëhet fjalë për Jay Z, reperin amerikan 49 vjeçar. Kësaj here ai ka qënë i ftuar në emisionin e David Letterman në Netflix, ku ka folur për nënën e tij. Jay Z rrëfeu se kishte qarë kur kishte marrë vesh që nëna e tij ishte lezbike.
“Unë në fakt isha i lumtur që ajo ishte e lirë dhe bënte çfarë të donte”- është shprehur ai. Gjithashtu këngëtari tregoi për këngën e tij ‘Smile’, e cila fliste për vështirësitë që kishte hasur e ëma. Ai u tregua mjaft entuziast për faktin se ajo kishte gjetur përsëri dashurinë.
“Që mamaja ime të jetojë një jetë të mirë nuk duhet të fshihet pas diçkaje që nuk është, sepse pavarësisht kësaj ajo i mbron fëmijët e saj dhe nuk do që t’i turpërojë ato.”- e mbylli rrëfimin reperi.