Fundi i muajit Qershor do të jetë shpërblyes për shenjat e zodiakut. Në parashikimin javor nga Krisanthi Kallojeri në “Shije Shtëpie” në Tv Klan, nga e mërkura deri të shtunën janë ditët më të favorshme për vendime, realizime dhe përfitime. Mërkuri kalon në shenjën e Gaforres dhe do të sjellë stabilitet, jetë të mirë sociale dhe do të favorizojë financat.
Krisanthi Kallojeri: Siç e thashë edhe javën e kaluar, mirë është të mos veproni deri të mërkurën. Situata mund të ndryshojë nga e mërkura pasdite deri në fund të javës ku kemi një klimë planetare shumë të mirë, sidomos të enjten dhe të premten mund të bëni biseda, kontakte, të merrni vendime, do keni një kthjelltësi në mendjen tuaj dhe vendimet që do të merrni do të jenë të qarta, serioze, mund të zgjidhni çështje që ju proekupojnë, të gjeni mbështetjen e një njeriu të fuqishëm, mbështetje ekonomike, financiare dhe paralelisht mund të zgjidhni çështje familjare ose që kanë të bëjnë me pronën. E shtuna dhe e diela janë dy ditë shumë të bukura për të kaluar bukur, janë ditë erotike ndërsa të hënën që vjen kemi një hënë të plotë shumë pozitive dhe premtuese. Përfitoni nga e enjtja deri të shtunën për të zgjidhur të gjitha gjërat që ju shqetësojnë dhe për të marrë vendime rezultative.
Dashi – Kjo javë, nga e enjtja dhe veçanërisht nga data 28-30 krijon kushtet ideale për të zgjidhur një çështje që ju ka shqetësuar dhe ju ka preokupuar deri më tani. Paralelisht do të keni mbështetje nga prindërit ose një person i rëndësishëm dhe disa nga ju do të kenë edhe një sukses ekonomik, financiar si rezultat i disa vendimeve që do të merrni vetë ose në bashkëpunim me pjesëtarët e familjes. Të enjten, të premten dhe të shtunën, mendohuni, ndërgjegjësohuni, konsultohuni me njerëzit e familjes, njerëzit kompetentë dhe veproni. Të shtunën, të dielën dhe të hënën mos nxitoni të nxirrni vlerësime përfundimtare për situata ose persona. Mund ta bëni nga e marta e tutje. Me kalimin e Mërkurit në Gaforre nga data 27 e këtij muaji deri më 11 Korrik, do të keni mundësinë të përqendroheni më tepër te familja, shtëpia, të keni këmbime vizitash, të bëni rregullime në shtëpinë tuaj ose një zhvendosje për të përmirësuar më mirë kushtet e jetesës.
Demi – Kjo javë, veçanërisht nga e enjtja deri të shtunën, keni shanse ideale në jetën profesionale, karrierë, do të keni mundësi të bëni disa takime përmes të cilave të realizoni qëllimet e synimet jo vetëm në fushën profesionale, por edhe në jetën tuaj personale. Përmes rrjetit tuaj social mund të takoni një person që do ta çojë jetën tuaj më tutje dhe në baza të forta. Vendimet që do të merrni në pjesën e dytë të javës janë të sakta, rezultative dhe do të keni mbështetjen e miqve dhe njerëzve të afërt. Paralelisht do të keni mundësi të filloni një veprimtari kolektive e cila do të jetë afatgjatë por mund të krijoni një miqësi të fortë që do të jetë jetëgjatë dhe do të jetë mbështetje për ju.
Binjakët – Kjo javë, nga e enjtja deri në fund ju premton një sukses ekonomik i cili mund të vijë si rezultat i një mbështetjeje që do të keni nga të tjerët, por mund të keni një sukses financiar përmes një ngritjeje në detyrë pasi keni dhënë provat ju të lindurit në 10-ditëshin e parë dhe erdhi momenti që ky rezultat të duket edhe në sferën ekonomike. Në të njëjtën kohë, do të keni mundësi të bëni edhe një organizim të mirë që nëse do ta ndiqni hap pas hapi, rezultatet do të jenë shumë të dukshme në të ardhmen. Me kalimin e Mërkurit, përfaqësuesit tuaj nga data 27 deri më 11 Korrik në shenjën e Gaforres, një nga preokupimet tuaja kryesore do të jetë sfera financiare ku do të keni shpenzime, por edhe arritje. Pra, tema kryesore e javës dhe e periudhës janë financat.
Gaforrja – Nga data 27 deri më 11 Korrik do të jeni shumë socialë pasi Mërkuri kalon në shenjën tuaj, do të keni biseda, takime, lëvizje, një ngarkesë në jetën tuaj të përditshme që herë-herë do të jetë shumë e këndshme, por herë-herë do krijojë një tension të brendshëm që mund t’i vija emrin nervozizëm të brendshëm. Kjo javë, nga e enjtja deri në fund të saj, krijon kushte ideale për të realizuar një bashkëpunim profesional nga i cili do të keni stabilitet dhe do dilni të fituar, por mund të keni realizimin e një dëshire, një ëndrre. Për ju që jeni të rinj dhe doni të vendosni për studime jashtë shtetit, ju hapen perspektiva dhe mund të merrni vendime dhe të bëni kërkimet tuaja këtë javë. Ju të tjerët mund të zgjidhni një çështje ligjore me mbështetjen e një njeriu të fuqishëm. Paralelisht kjo javë ju krijon kushtet të realizoni një udhëtim ku jo vetëm do kaloni bukur, por do keni edhe një përfitim.
Luani – Këtë javë, në pjesën e dytë të saj do të keni zhvillime pozitive, sidomos nga data 28 e deri në fund të saj, veçanërisht nga e enjtja deri të shtunën kapni shanset që paraqiten për një sukses në sferën profesionale, madje mund të keni biseda intime, të fshehta me një person që mund t’ju krijojë kushte, t’ju japë një shans në sferën profesionale dhe mirë është mos ta bëni të ditur se çfarë keni bseduar. Disa do kenë mundësi të krijojnë një marrëdhënie, një lidhje serioze, të keni mbështetje nga një njeri i cili thjesht ushqen simpati për ju dhe ka dëshirë t’ju favorizojë. Jini vigjilentë dhe kapni shanset në pjesën e dytë të javës. Me Mërkurin në shenjën e Gaforres nga data 27 e këtij muaji deri më 11 Korrik, do të keni mundësi të merrni vesh disa sekrete, të bëni biseda intime. Kujdes, mos hyni në thashetheme dhe keni një mundësi të bëni një riorganizim më të mirë, të rishikoni çështjet në mënyrë që të keni suksese në vijim, kur të kalojë dielli në shenjën tuaj.
Virgjëresha – Me kalimin e Mërkurit, përfaqësuesit tuaj në shenjën e Gaforres, nga data 27 deri më 11 Korrik keni mundësi dhe mund të përfitoni nga rrjeti juaj social. Jini sa më socialë, sa më të aktivizuar, dilni, takoni miq, shokë, bëni miq e shokë të rinj sepse do të keni edhe përfitime. Nga e mërkura e deri në fund të javës, sidomos më 29-30 Korrik, mund të realizoni një projekt, një synim, plan që e kishit në mendje por nuk mendonit se mund të bëhej. Do të keni mbështetjen e të dashurit, partnerit ose një bashkëpunëtori në realizimet tuaja. Bisedat që do të realizoni të enjten dhe të premten janë shumë serioze dhe planet tuaja marrin formë dhe do të kenë stabilitet. Vendimet që do të merrni janë të qarta, reale dhe do ju udhëheqin drejt suksesit.
Peshorja – Kjo javë dhe veçanërisht nga e mërkura do të keni një sukses në sferën profesionale, karrierën tuaj, një rritje në detyrë dhe ju që keni biznesin tuaj duhet të bëni lëvizje të tilla që do ju sjellin rezultate afatgjata dhe me stabilitet. Ju që jeni në kërkim të një pune tani mund ta gjeni dhe do t’ju pëlqejë e do t’ju sjellë të ardhura të qëndrueshme. Mund të gjeni edhe një punë të dytë nëse jeni në kërkim. Një ndihmë, një mbështetje do të ndikojë që të ndryshojë përditshmëria juaj dhe puna. Fokusohuni në jetën sociale dhe nxirrni në pah anën tuaj pozitive pasi gjatë periudhës që do të vijojë do të bëheni objekt diskutimi dhe çfarëdo që të bëni, do të vlerësohet. Përpiquni të vlerësoheni sa më pozitivisht.
Akrepi – Është një periudhë dhe një javë e rëndësishme për ju, do të keni zhvillime në marrëdhëniet tuaja, në fushën profesionale dhe personale. Të enjten, të premten dhe të shtunën mund të realizoni një udhëtim me partnerin dhe nëse nuk do shkoni me të, mund të bëni një udhëtim ku mund të takoni dikë dhe kjo lidhje mund të bëhet serioze. Paralelisht, zgjidhni çështje që do ju preokupojnë, që kanë të bëjnë me fëmijët, do gëzoheni nga arritjet e tyre dhe mund të realizoni një bashkëpunim që do ketë si qëllim investimet që mund të bëni. Takime të papritura ose një dashuri me shikim të parë mund të keni ditën e shtunë.
Shigjetari – Kjo javë në pjesën e dytë të saj, veçanërisht nga e mërkura e tutje ofron zgjidhjen e një çështjeje në shtëpi. Mund të merrni një mbështetje për të zgjidhur këtë çështje që ju preokupon, të bëni një organizim të mirë dhe përmes tij, të përmirësoni punën ose jetën e përditshme. Paralelisht, do të keni edhe një mbështetje ekonomike. Përmes diskutimeve me partnerin ose bashkëpunëtorin, mund të arrini shumë suksese dhe zgjidhje të problemeve që ju preokupojnë. Nga data 27 deri më 11 Korrik, çështjet ekonomike që kanë të bëjnë me të tjerët do ju tërheqin më tepër vëmendjen dhe do të dalin në pah disa probleme, por do të keni edhe zgjidhje e mbështetje.
Bricjapi – Nga data 27 e deri më 11 Korrik do të keni takime, biseda me të tejrët, do ju preokupojë më tepër fusha e marrëdhënieve, bashkëpunimeve, e cila paraqet një interes të veçantë. Kjo javë në pjesën e dytë të saj krijon kushtet për një bashkëpunim ekonomik, zgjerimin e klientelës tuaj ju që keni biznesin apo punën, realizimin e një shitjeje, blerjeje apo investimi që keni planifikuar. Të gjitha këto favorizohen në datat 29-30 Qershor dhe 1 Korrik. Paralelisht, në jetën personale do të keni një njohje që do të udhëheqë dhe do ta çojë jetën tuaj në nivele të tjera.
Ujori – Veç marrëdhënieve, bashkëpunimeve dhe çështjeve që kanë të bëjnë me shtëpinë e familjen, interes të veçantë merr këtë javë edhe jeta juaj e përditshme që do të jetë më aktive, me biseda, me takime, me lëvizje dhe nga data 27 e tutje do të jetë më interesante. Në pjesën e dytë të javës, nga e mërkura e deri në fund ju ofrohen shanse unike nga të cilat mund të keni sukses në punën tuaj, një bashkëpunim financiar që do të sjellë të ardhura që nuk dihet nëse do jenë shumë apo pak, por do kenë stabilitet për një kohë të gjatë. Një shitje, një blerje ose diçka që ka të bëjë me pronë ose një investim mund ta vini përpara dhe të veproni.
Peshqit – Është një periudhë shumë e mirë, favorizoheni në jetën personale dhe në planet e jetës profesionale. Mund të bëni një udhëtim diku afër por ndoshta edhe diku larg, të kaloni bukur me të dashurin ose të takoni një njeri që do jetë gjysma juaj, do plotësojë jetën tuaj. Jeta juaj e përditshme në përgjithësi tani dhe për gjithë Korrikun do karakterizohet nga flirti e dashuria, ndaj jo vetëm do punoni, por edhe do kaloni bukur. Ata që janë të interesuar për të realizuar një projekt përmes një investimi, është momenti të veproni dhe të gjeni bashkëpunëtorin e duhur për ta bërë ose mbështetjen e duhur ekonomike. Në përgjithësi do të kaloni bukur me të dashurit./tvklan.al
