Rrëfimi i këngëtarit, aktorit dhe humoristit Jason Hewlett për gruan e tij është më shumë se një mesazh dashurie. Ai shkruajti në profilin e tij në Facebook një ndodhi në një qender tregtare kur u nis të ngacmomente një femër tepër terheqese por kur u afrua pa se ishte pikërisht bashkëshortja e tij. Postimi i tij në Facebook ka marrë qindra mijëra pëlqime dhe është bërë lajm në një sërë mediash.
Bashkeshortja, Timi, i është përgjigjur shkurt: Ky është i çmendur!
Rrëfimi i plotë:
‘Më vjen pak turp ta pranoj por, sot në një lloj mënyre e tradhëtova time shoqe. T’ua shpjegoj më mirë. Isha duke blerë disa gjëra në market dhe teksa shkova të paguaja në kasë pashë një grua që më mori mendjen. Mendova ‘Uau, lum ai djalë që e ka!’, pastaj për një sekondë u kthjellova dhe kuptova që ishte ime shoqe! E keni parasysh se çfarë habie është të shkosh për të blerë dhe të gjesh gruan tënde në të njejtin vend, duke blerë në të njëjtin vend? Unë i dërgova disa mesazhe të tipit ‘Hej seksi’, ‘Çfarë po blen zemra ime e vogël?’, por asnjëri nuk ia tërhoqi vëmendjen, e ajo vazhdonte të kërkonte kuponin që kishte ruajtur që të blinte aty. Kështu që hoqa dorë dhe vazhdova.
E para e punës, u kujtova përsëri se sa e bukur që është! Unë e kujtoj këtë gjë sa herë që e shoh por sot, kur e pashë papritur, sikur e pashë me sy të tjerë dhe, s’po më besohej që jam pikërisht unë mashkulli në krah të saj. Së dyti, më habiti fakti që nuk më vuri re aspak. Kjo është diçka e mirë, por njëkohësisht e keqe. E mirë sepse tregon se asaj nuk i pëlqen të kullosë sytë andej-këtej. E mirë sepse as që ia hodhi sytë një tipi të çuditshëm që i qëndronte pas duke u përpjekur t’i tërhiqte vëmendjen. Por e keqja është se, po sikur unë të mos jem më në krah të saj një ditë? Do t’i duhet të shikojë dikë tjetër! Së treti, jam shumë, shumë i kënaqur sepse e pashë atë plot vetëbesim, të aftë, të përulur, të ëmbël, plot humor, të sjellshme, dhe të mrekullueshme, ashtu siç është.
Dhe në fund ajo mori gjërat e saj dhe doli jashtë. Nuk thashë asgjë, nuk u përpoqa t’i tërheq vëmendjen, thjesht e pashë të largohej, e admirova, duke menduar se, ajo është ime shoqe dhe se dashuroj gjithçka të sajën! Ajo nuk para hyn në Facebook dhe me siguri as që ka për t’a parë këtë postim; nuk ka për t’a ditur se unë në një farë mënyre e tradhëtova sot por, dëshiroja t’a ndaja me ju…’
