Një qytet japonez ka dhënë paralajmërime emergjente për të parandaluar njerëzit që të konsumojnë peshkun fugu, pasi pjesët potencialisht vdekjeprurëse të tij janë shitur gabimisht.
Një supermarket lokal në qytetin Gamagori ka shitur pesë pako të peshkut të Fugu pa heqjen e mëlçive, të cilat përmbajnë helm.
Tre janë gjetur, por dy mbeten të zhdukura. Peshku delikat është aq helmues saqë gabimi më i vogël në përgatitjen e tij mund të jetë fatal.
Çdo vit ka disa raste të helmimit me fugu në vend, por jo të gjitha janë vdekjeprurëse.
Autoritetet e qytetit në Gamagori, në Japoninë qendrore, kanë aktivizuar një sistem emergjence, duke u bërë thirrje njerëzve të kthejnë vëmendjen nga pjesët potencialisht vdekjeprurëse.
“Ne po u bëjmë thirrje banorëve për të shmangur ngrënien e fugu, duke përdorur sistemin pa tel të qytetit Gamagori”, i cili transmetohet mbi altoparlantë të vendosura rreth qytetit, tha zyrtari lokal Koji Takayanagi për AFP.
Vezoret dhe lëkura e peshkut fugu përmbajnë tetrodotoksinë vdekjeprurës helmuese dhe kërkohet një trajnim i veçantë dhe një licencë për përgatitjen e tij.
Madje nuk ka as antidot për helmin e fugu.
Tetrodotoksina ndikon në sistemin nervor dhe helmimi është përshkruar si “i shpejtë dhe i dhunshëm”, duke çuar në një mpiksje të parë rreth gojës, pastaj paralizë dhe përfundimisht vdekje.
