Japonia kërkoi ndjesë publike dhe ofroi 1 miliardë jen dëmshpërblim për vajzat koreane që u përdorën si skllave seksi gjatë Luftës së Dytë Botërore. Kjo lëvizje pritet të shtensionojë marrëdhëniet mes dy vendeve.
Japonia dhe Korea e Jugut arritën një marrëveshje historike për të ashtuquajturat “skllave seksi”, të cilat u detyruan të punojnë në shtëpitë publike japoneze gjatë Luftës së Dytë Botërore.
Autoritetet japoneze ofruan jo vetëm ndjesë publike por edhe një dëmshpërblim prej 1 miliardë jenësh, për fondin koreano-jugor të viktimave. Kjo u mësua pas takimit në Seul mes ministrit të jashtëm japonez, Fumio Kishida me homologun e tij koreano-jugor, Jun Biung-se. Pas bisedimeve mes tyre, Kishida u tha gazetareve se kryeministri japonez, Shinzo Abe ka shprehur ndjesën e tij të sinqertë.
Gjithashtu Korea e Jugut do të heqe edhe statujën që simbolizon “skllavet e seksit” që u vendos jashtë ambasadës japoneze në Seul në vitin 2011.
Cështja “Skllavet e seksit” tensionoi jo pak marrëdheniet mes Japonisë dhe Koresë së Jugut. Kjo është marrëveshja e parë, prej vitit 1965 dhe vjen pasi të dy palët vendosën të përshpejtojnë bisedimet për këtë cështje. Mbi 200 mijë gra u detyruan të punojnë si “skllave seksi” për ushtarët japonez gjatë luftës së dytë botëre, shumë prej tyre koreane. Vetëm 46 janë ende gjallë në Korenë e Jugut. Të tjerat vinin nga Kina, Filipinet, Indonezia dhe Tajvani. /tvklan/
