Adnan Januzaj u ka kërkuar drejtuesve të Mançester Junajtid që ta shesin kartonin e tij. Futbollisti 21 vjeçar ishte një prej lojtarëve që Zhoze Murinjo takoi të enjten dhe u tha që të kërkonin një skuadër ku të huazoheshin në mënyrë që të luanin më rregullisht
Por futbollisti, padyshim i këshilluar nga menaxheri i tij, ka vendosur që të shkëputet përfundimisht nga Mançester Junajtid, i ndërgjegjshëm se nën drejtimin e Murinjos, vështirë se do të gjejë ndonjë herë hapësira te “djajtë e kuq”. Sipas “Daily Mail”, ai as që do të marrë mundimin të provojë vlerat e tij para trajnerit portugez, por ka kërkuar që ta shesin përfundimisht kartonin e tij. Në bazë të informacionit të së përditshmes britanike, Januzaj po ndiqet me interes nga Sandërlend, Everton, Milan, PSG dhe Ajaks.
