Gazetarja Evis Ahmeti ka treguar në emisionin Opinion se edhe në Tiranë, ka njerëz që fitojnë para, duke bërë mblesëri për martesa. Këtë të martë emisioni Opinion, ka trajtuar pikërisht ngjarjet tragjike që kanë ndodhur gjatë këtij viti, në lidhje me vrasjen e femrave.
Evis Ahmeti: Unë irritohem me personat që trokasin, ato mblesët që trokasin në dyert e vajzave shqiptare apo djemve dhe e kanë kthyer në biznes. Pra, marrin para përkundrejt asaj trokitje në derë që vajza e filanit është bërë për tu martuar në moshën 16, 17, 18 vjeç. Ekziston edhe sot edhe në mes të Tiranës, jam e sigurt se unë e bëj çdo ditë dhe këtu më rezulton. Ai zotëria e ka zgjedh vërtet vet, por ajo vajzë ka dal nga dera e babait. Jo më larg se sa sot unë kam komunikuar drejtpërdrejtë me zotin Kadri, babai i vajzës dhe më deklaroi se nuk di se çfarë ka ndodhur, por di se si mund të arrij ky individ që ti marri jetën vajzës time dhe të heq fëmijën nga gjiri i nënës. Pra, fëmija nuk është 2 vjeç është 1 vjeç e pak muaj. Se si e ka bërë ky zotëria këtë unë nuk e kuptoj. Por që mblesët ekzistojnë këtë ta siguroj unë. Pra, ky zotëri ose e ka parë diku, ose ia ka rekomanduar dikush dhe zonja nuk e ka pasur mbështetjen e familjes.
45-vjeçari Lulzim Cuku, pak ditë më parë goditi me thikë bashkëshorten e tij Manjolën Cuku, duke e lënë të vdekur në vend. Ngjarja e rëndë ndodhi në orën 23:55 minuta të së shtunës në shtëpinë e tyre në Xhafzotaj të Durrësit. Sipas policisë Cuku e ka qëlluar 3 herë me thikë bashkëshorten e tij 33-vjeçare pas një sherri për motive të dobëta./ Opinion.al
