Janari i këtij viti ishte më i ngrohti në histori krahasuar me pararendësit e viteve të kaluara.
Rekordi befasues i të nxehtit të janarit përkon me një studim të ri nga një ish-shkencëtar i lartë i NASA-s, James Hansen, dhe të tjerë që argumentojnë se ngrohja globale po përshpejtohet.
Janari 2025 globalisht ishte 0,09 gradë Celsius (0,16 gradë Fahrenheit) më i ngrohtë se janari 2024, llogariti Copernicus.
Ishte muaji i 18-të i 19-të të fundit që bota goditi ose kaloi kufirin ndërkombëtar për ngrohjen prej 1.5 Celsius (2.7 Fahrenheit) mbi kohën para-industriale.
Të dhënat e Kopernikut datojnë në vitin 1940 dhe thonë se kjo epokë është më e ngrohta në rreth 120,000 vjet – ose që nga fillimi i qytetërimit njerëzor.
Deri tani, nxitësi më i madh i nxehtësisë rekord është grumbullimi i gazit serrë nga djegia e qymyrit, naftës dhe gazit natyror, por kontributet natyrore në ndryshimin e temperaturës nuk kanë vepruar ashtu siç pritej, tha Samantha Burgess, drejtuese strategjike për klimën për agjencinë evropiane të motit.
Faktori i madh natyror në temperaturat globale është zakonisht cikli natyror i ndryshimeve në ujërat ekuatoriale të Oqeanit Paqësor.
Shkecëtarët kanë paralajmëruar se globin e presin pasoja që as aktualisht as nuk imagjinohen nëse bëhet e zakonshme rritja me më shumë se 1.5 gradë Celsius e mesatares së temperaturave krahasuar me periudhën para-industriale në shekujt 18 – 19.
Një nga rreziqet më të prekshme do të jetë shumëfishimi i fenomeneve ekstreme të motit që gjatë viteve të fundit i kemi parë shpesh.
